Muze,…

t Is prachtig weer, viej zit achter ‘t hoes

zeg ‘t kleankeend: Kiek, doar löp nen moes.

Waarachies woar, ‘k wus neet wa’k zag

oawer de veansterbaank, op kloarlechen dag.

‘t Broene köpke in de loch, zwierig zweait ‘n stat

greutse kraaleugkes kiekt oons an, zo van: Weij dut miej wat?

Van keendsof maakt muze miej ‘n kachel niet meer an

viej harren der vrooger in de skuur, wa ‘n stuk of dattig van.

In ‘n groot hoolten poppenhoes, met veansterglas der vuur

kats wit warren ze, met felle eugkes, heelderrood van kluur.

Mear nen veeldmoes vrat duurt ‘t hoolt en brach niejs achter de roeten

binnen ne wekke warren ze vot, ‘t grös is aait greuner boeten.

Zear-iej in ‘t weeld ‘n niejskierig broen-wit gevlekt muuske?

Dan is-ter dat vaste ene van ‘biej oons oet ‘t poppenhuuske’.

Gejoja, juni 2022.