Heb aaltied nen backup
vertrouw’t vuur gin ceant
bin pas tevree met ‘misskien
toch vuur de zekerheaid’

Zoas gisteren wa wier bleek
op de pekeerplaats van ‘t ZGT
der stön nen hele lange riege
biej ‘n automaat den’t neet dee

Gedissel in de riege
toe kreeg éne’t in de gaten
duur nen storing ko’j neet pinnen
biej alledrei de automaten

Met’n alln op noar de receptie
en dat was mien geluk
waant den van Jaansen gung neet hen
den had klean geald op tuk

Goat aait oet van ‘t beste
hoe of de weend ok weait
met disse weurde in ‘t achterheuwd
misskien, toch vuur de zekerheaid

Gejoja
Mei 2018