‘Hoold ‘s op met dat gebizzzz’,

tiert hommelva tiegn hommelmoo

‘k Word-er ja glad ipsig van,

heb iej niks aans te doo?’

Zee kik eawn voel noar hommelva

en röp oonder ‘t vleegen:

‘A’k bizzen wil, dan doo-r-ik dat,

bemeujt oe met oe eegen.’

Mear as,

‘n dag op ‘t eande löp

va meu, nöast moo in ‘t körfke kröp,

dan veult beaider vlugelkes wier as ene

en heur’j em flustern: ‘Mien biejke, mu’j es lustern

zo lekker as iej noar hönig roekt,

zo rök der ginene’.

Gejoja, juni 2022.