Al jaorn maak ik gedichen in’t Tweants, vuur vejeurdaagn, jubilea en zuks mear. Der kömp aait wal iets boawn borreln, mear mangs hef’t ok ginnen readn. Zo oet’ niks zit der wat in mien heuwd wat der oet mut. Zee stönden in’n skrifke, ‘k doo mien beste um ze hier allemoale neer te zettn.

 

—————————————————————————-
Raakt de penne ‘t pepier
dan veend d’eenkt vanzeelf zin weg.
‘t Hef ok miene riemsels hier,
vuur t noageslacht, vaste leg

—————————————————————————-
Nog nen moal,
niej leawn,
wat wa’j bliej

An’ zieden droad,
oe’n leawn der biej
Met leuge hande
op thoes opan
Skoolders recht,
‘t leawn geet verdan

‘n Leef bedoolde weure,
die’t gin treuste gif
Deep binnenin wee’j
dat de hoppe blif.

Wierniejs is’t spannend,
dichtbiej de dood
Wat hebt wiej geult
met ‘t woonderke op skoot

—————————————————————————-

En het “riemseltje” hieronder is van’t jaor 2011 toe’k vuur’t eerst oma wörn.

 

Kleane geluudjes oet de weege
maakt oe’t hatte week
Eugkes lös ‘n klean lächke,
toew’k eur heanig langs t wängske streek
‘n Kleankeend op skoot ‘n groot genot
‘t allermööiste kedo a’j vieftig wordt

—————————————————————————-