Biejnoar 2019. Goeie vuurnemmens? He’k neet, ‘k zin weai’k zin, ‘n Eantersen!

‘k zin,…..

‘k zin weai’k zin, ‘k leaw mien leawn
do-r-iej dat aans, ‘t is miej um ‘t eawn

‘k oasem loch, mis geeld as water
‘k geleuwn in vrooger, nou in later

‘k kiek ‘t leefst duur oogn van ‘n keend
neum ’t naief, as iej dat veendt

‘k geul met treunen van plezeer
‘k ken ’t twieffeln, elke keer

tevöl leef binnen ’t kleane hart
brech verdreet kats van ‘t rabbat

‘k zin de aankst, um te verlezen
eaglijk he’k, niks meer te vrezen

ma’j miej neet, dan is’t mear zo
‘k zin weai’k zin, doar mu’j’t met do

Gejoja, december 2018