Graats,..

De vriegezellen klokkenluuder Graats oet Goor
wol geerne met doon as tenor
biej ‘t plaatslijk eukomenisch mannenkoor.

Hee mog vuurzeengen van meneer pestoor
mear zeelfs vuur ene met ‘n dovemansoor
was’t dreks a, as ‘n klöntke zo kloar
Graats zinne stemme klönk naargens noar.

Strak in ‘t pak met vleenderdas
‘n geluud as ‘n kepotten nokkenas
veroorzaken ‘n bast in ‘t veansterglas.
Vanof den dag zoorgen Graats alras
dat he vuur ‘t zeengen de kaarke oet was.

Den zundags biej ‘t luden knappen zin bretel
de bokse zakken em glad van ‘t oonderstel
al stroekelent joelen he fleenk wat decibel
duur zin verpletterende klokkenspel.
Nen dag of wat heanig an tusken ‘t flanel
gin noten op ‘n zaank vuur ‘n vriegezel.

Wi’j wetten wat nou ‘t meujste was?
Dat Graats, noa ‘t vuurval van zopas
met ‘n geluud zo heelder as nen klokke kleenkt
zundaagns in de kaarke met ‘t koor metzeengkt.

Gejoja 2016

Daanksweard Jan van Oevelen vuur’t magn gebroeken van de kop.